Тропарь праздника глас 1 во иордане

Святое Богоявление. Крещение Господа Бога и Спаса нашего Иисуса Христа

Толкование богослужебных текстов

Крещение Господне. Деталь фрески. Сретенский монастырь в Москве.

Тропарь, глас 1-й

Во Иордане крещающуся Тебе, Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя, и Дух, в виде голубине, извествоваше словесе утверждение. Явлейся, Христе Боже, и мир просвещей, слава Тебе.

Перевод: Когда Ты, Господи, крестился во Иордане, открылось поклонение Пресвятой Троице: ибо глас Отца свидетельствовал о Тебе, называя Тебя возлюбленным Сыном, и Дух, в виде голубя, заверял истинность слова (Отчего). Христе Боже, явившийся и просветивший мир, слава Тебе!

Кондак, глас 4-й

Явился еси днесь вселенней, и свет Твой, Господи, знаменася на нас, в разуме поющих Тя; пришел еси и явился еси, Свет неприступный.

Знаменася на нас — открылся нам.

В разуме — сознательно.

Величание

Величаем Тя, Живодавче Христе, нас ради ныне плотию крестившагося от Иоанна в водах Иорданских.

Прокимен

Море виде и побеже, Иордан возвратися вспять (Пс. 113, 3).

Ирмосы первого канона

1. Глубины открыл есть дно и сушею Своя влечет, в ней покрыв противныя, крепкий во бранех Господь, яко прославися.

Перевод: Неодолимый в войне Господь явил дно глубины (морской) и по нему, как по суше, провел народ Свой, а сопротивных потопил. Славно имя Его!

3. Крепость даяй царем нашим Господь и рог помазанных Своих возносяй, от Девы раждается, грядет же ко крещению. Тому вернии возопиим: несть свят, яко Бог наш.

Перевод: Господь, дающий силу царям нашим и возвеличивающий могущество помазанников Своих, рождается от Девы и приходит принять крещение. Мы, верные, воскликнем Ему: нет святого, кроме Тебя, Бог наш!

4. Услышах, Господи, глас Твой, егоже рекл еси глас вопиющаго в пустыни, яко возгремел еси над водами многими, Твоему свидетельствуяй Сыну, весь быв сошедшаго Духа, возопи: Ты еси Христос, Божия мудрость и сила.

Перевод: Я услышал, Господи, голос Твой, который Ты назвал голосом вопиющего в пустыне (Предтечу), когда Ты возгремел над многими водами (Иордана), свидетельствуя о Твоем Сыне, он (Предтеча), исполнившись явившегося Духа, воскликнул: Ты — Христос, Божия Премудрость и Сила!

5. Иисус, живота начальник, разрешити осуждение грядет Адама первозданнаго, очищений же яко Бог не требуя, падшаго очищает во Иордане; в немже вражду убив, преимущь всяк ум мир дарует.

Перевод: Иисус, начальник жизни, идет разрешить осуждение первосозданного Адама и, как Бог не имея нужды в очищении, для падшего очищается в Иордане, где, убив вражду, дарует мир, превосходящий всякое разумение.

6. Глас Словесе, светильник Света, денница Солнца, Предтеча в пустыни, покайтеся, всем вопиет людем, и предочиститеся: се бо предстоит Христос, от тли мир избавляяй.

Перевод: Голос Слова, светильник Света, заря Солнца, Предтеча восклицает в пустыне всем людям: покайтесь и заблаговременно очиститесь, ибо вот предстоит Христос, избавляющий мир от истления.

7. Юноши благочестивыя, пещи огненней приобщившияся, шумящь дух росный невредимы сохрани и Божия Ангела снизхождение. Темже в пламени орошаеми, благодарственно воспеваху: препетый отцев Господи и Боже, благословен еси.

Перевод: Благочестивых юношей, находившихся в огненной печи, сохранили невредимыми шумный ветер с росою и сошествие Ангела Божия. Посему, быв орошаемы среди пламени, они с благодарностию воспевали: благословен Ты, Преславный Господи и Боже отцов.

8. Тайну преславную Вавилонская показа пещь, источившая росу, яко струями имяше невещественный Огнь восприяти Иордан и объяти плотию крещаема Зиждителя, Егоже благословят людие и превозносят во вся веки.

Перевод: Вавилонская печь, источив росу, изобразила то чудное таинство, что Иордан имел принять в струи (свои) невещественный Огонь и объять крещающегося плотию Творца, Которого люди благословляют и превозносят во все веки.

Величай, душе моя, честнейшую горних воинств Деву Пречистую Богородицу.

9. Недоумеет всяк язык благохвалити по достоянию, изумевает же ум и премирный пети Тя, Богородице. Обаче, благая сущи, веру приими, ибо любовь веси Божественную нашу: Ты бо христиан еси предстательница, Тя величаем.

Перевод: Никакой язык не в силах достойно восхвалить Тебя, Богородица, и даже горний ум недоумевает, как воспеть Тебя. Но, как благая, приими веру, потому что любовь нашу Божественную Ты знаешь, ибо Ты предстательница христиан, Тебя мы величаем.

Источник статьи: http://pravoslavie.ru/1574.html

Готовимся к богослужению: «Во Иордане крещающуся Тебе, Господи…»

Упоминание о начале празднования Богоявления относится уже к III веку. Изначально празднование Богоявления («Явление Бога во плоти») включало в себя целый спектр воспоминаний: Благовещение, Рождество, Сретение, Крещение.

Несколько раньше, чем в Православной Церкви, празднование Крещения ввели у себя еретики – гностики, потому что они придавали самое большое значение в жизни Спасителя Его Крещению. Они учили, что именно в момент Крещения на Иордане в человека Иисуса вселился Бог, соделав его Богочеловеком-Христом. Такой взгляд на природу Христа будет осужден Церковью на III Вселенском соборе в 431 году.

Но ничто так не увлекало христиан в ересь, как их богослужение, полное гармонических и красивых песен. Нужно было этому празднику еретиков противопоставить свой такой же. И вот, Православная Церковь установила торжественный праздник Крещения Господня и назвала его Богоявлением, внушая ту мысль, что в этот день Христос не стал впервые Богом, а только явил Себя Богом, представ, как Единый от Троицы, Сын Божий во плоти.

Воспоминание отдельного празднования Рождества Христова стало постепенно выделяться под влиянием римской практики со второй половины IV века. Ввиду некогда единого воспоминания Богоявления, промежуток времени от Рождества Христова до Крещения стал периодом особого празднования, который получил название Святки. Этот период соединяет оба праздника как бы в одно торжество.

Рассмотрим события, предшествовавшие Крещению. Когда настало для Иисуса Христа время спасительной проповеди, Иоанн Предтеча по глаголу Божию предвозвещает во всей окрестности иорданской, что приблизилось царство небесное, и грядет чаемый Мессия. Предтеча проповедует покаяние, необходимое для достойного вступления в царство Его и исповедующих грехи свои крестит в Иордане.

Крещение, давшее Иоанну наименование Крестителя, было, по словам святителя Иоанна Златоуста, только приготовлением к святому таинству, а не самым еще таинством. Желая установить Таинство Крещения Иисус Христос пред вступлением своим в открытое, всенародное служение спасению мира пришел также на Иордан к Иоанну креститься. Предтеча никогда не видал Спасителя, но Бог открыл Крестителю, что это Мессия. Иоанн возлагает руку на главу Господа и погружает Его. О том, что происходило в сам момент Крещения, красноречиво свидетельствует нам всем тропарь праздника.

Во Иoрдане крещающуся Тебе, Господи, / Тройческое явися поклонение: / Родителев бо глас свидетельствоваше Тебе, / возлюбленнаго Тя Сына именуя, / и Дух в виде голубине / извествоваше словесе утверждение. / Явлейся Христе Боже / и мир просвещей, слава Тебе.

При крещении Твоем во Иордане, Господи, / открылось поклонение Троице: / ибо голос Родителя свидетельствовал о Тебе, / возлюбленным Тебя Сыном именуя, / и Дух в виде голубицы / подтверждал Его слова непреложность. / Явившийся Христе Боже / и мир просветивший, слава Тебе!

Во Иoрдане крещающуся Тебе, Господи, / Тройческое явися поклонение:

В событии Крещения Господня явила Себя людям вся Святая Троица: Бог Отец – голосом с неба, Бог Сын – крещением от Иоанна в Иордане, Бог Дух Святой – снисшествием на Иисуса Христа в виде голубя. Празднуя Крещение Господне, Православная Церковь утверждает веру нашу в высочайшую, непостижимую тайну Трех лиц единого Божества, исповеданную первым и вторым Вселенскими Соборами. Этим празднованием она научает нас «Тройческому поклонению», то есть научает равночестно исповедать и прославлять Святую Троицу, Единосущную и Нераздельную.

Родителев бо глас свидетельствоваше Тебе, / возлюбленнаго Тя Сына именуя.

Бог Отец явился, из отверзстых небес гласом свидетельствуя о Христе крестившемся: «И се, глас с небес глаголющий: Сей есть Сын Мой возлюбленный, в Котором Мое благоволение» (Мф 3:17).

Эти слова были ответом Отца Небесного на молитву Его Божественного Сына о благословении на великий подвиг служения ради спасения человечества. Святой Лука передает, что «Иисус крестившись, молился» (Лк. 3:21), несомненно, о том, чтобы Отец Небесный благословил начало Его служения.

. и Дух в виде голубине / извествоваше словесе утверждение.

Дух Святый явился из отверзстых небес в виде голубя, подтверждая глас Отчий. «… и увидел [Иоанн] Духа Божия, Который сходил, как голубь, и ниспускался на Него» (Мф. 3:16). По словам святого Иоанна Златоуста, целью сошествия Святого Духа было указать Божество Спасителя при крещении Его и народу, и Крестителю, как говорит Предтеча о Спасителе: «…но для того пришел крестить в воде, чтобы Он явлен был Израилю» (Ин. 1:31).

Явлейся Христе Боже…

Итак, Крещение Господне было событием явления Бога Триединого для явления миру Сына Божия, обещанного Спасителя людей.

…и мир просвещей, слава Тебе.

День Крещения Господня или Богоявления называется также Просвещением, потому что Бог есть Свет и явился просветить седящих во тьме и сени смертней (Мф. 4:16), то есть язычников, находящихся во тьме греха и неведения. А также потому, что в древности в навечерие Богоявляения были крещаемы оглашенные. Поскольку крещение по своим спасительным действиям есть просвещение, то и праздник Крещения именуется Просвещением.

Кондак праздника как всегда более краток, чем тропарь, но в своем содержании он более указывает на внутренний смысл праздника более, чем на внешнюю его сторону.

Явился еси днесь вселенней, / и свет Твой, Господи, знаменася на нас, / в разуме поющих Тя: / пришел еси и явился еси, / Свет Неприступный.

Явился Ты в сей день вселенной, / и свет Твой, Господи, запечатлелся на нас, / в полноте знания воспевающих Тебя: / «Пришел, явился Ты, / Свет неприступный!»

Явился еси днесь вселенней.

Во время Крещения Иисуса Святая Троица была явлена не прикровенно и образно, как это было в Ветхом Завете, а явно и открыто всем людям, всей вселенной. Употребляя слово «днесь» (в сей день), песнописец открывает перед нами важный принцип церковного Устава. Участие в церковном богослужении для нас не является просто воспоминанием прошедших событий или созерцанием богословских идей, все в устроении богослужения направлено на то, чтобы события, воспоминаемые и празднуемые Церковью, были нами пережиты по существу и стали фактом нашей христианской жизни.

. и свет Твой, Господи, знаменася на нас,

После Крещения и искушения от диавола Иисус Христос всенародно вступил в свое открытое служение для искупления мира. С этого дня он просвещал мир светом учения, чудес, благодати. По вознесении же Господь послал на землю Духа Святого, и его ученики получили возможность исполняться, запечатлеваться нетварным светом, благодатию Святого Духа, как, например, первомученик и архидиакон Стефан в синедрионе, где «видели лице его, как лице Ангела» (Деян. 6:15).

. в разуме поющих Тя:

После открытого явления Святой Троицы мы можем разумно, в полноте знания воспевать Господа.

. пришел еси и явился еси.

Слова «пришел если» относятся преимущественно к Рождеству Христову, которое совершилось тайно, как говорит об этом блаженный Иероним: «в рождении своем Сын Божий явился Миру сокровенно». Слова же «явился еси» – к Крещению Господню, совершившемуся явно для людей. В одной из своих бесед святитель Иоанн Златоуст свидетельствует, что «не тот день, в который родился Христос, называем Богоявлением, но тот, в который Он крестился».

В этой строчке гимнограф указывает, что Христос и родился, и крестился как Бог («Свет Непреступный») в опровержение гностиков, утверждавших, что Христос родился как человек (подробнее об учении гностиков смотри в начале статьи).

Апостол Павел так называет Бога в своем послании к Тимофею: «Царь царствующих и Господь господствующих, единый имеющий бессмертие, Который обитает в неприступном свете, Которого никто из человеков не видел и видеть не может» (1 Тим. 6:15-16).

Участвуя в праздничном богослужении, мы призваны не просто вспоминать события Крещения Господня. Давайте постараемся во время богослужения пережить тайну явления Бога Слова в нашем мире, ведь, как это отмечает протоиерей Александр Шмеман: «празднования Рождества и Крещения в отдельности друг от друга развились в христианском мире в эпоху жарких христологических споров и, бесспорно, помогли усвоению веры, закрепленной в постановлениях первых вселенских соборов. А, следовательно, смысл литургических воспоминаний событий не столько в истории, сколько в догматическом значении и усвоении фактов Боговоплощения, дабы пережить, насколько это возможно, тайну Слова, ставшего плотью».

При подготовке статьи были использованы следующие материалы:

1. Перевод богослужебных текстов, выполненный о. Амвросием (Тимротом).
2. Архимандрит Иоанн (Маслов). Лекции по литургике.
3. Свящ. Константин Щербак. Богоявленские праздники и Рождественский пост.
4. Прот. Григорий Дебольский. Дни Богослужения Православной Кафолической Восточной Церкви.
5. Архиепископ Аверкий (Таушев). Руководство к изучению Священного Писания Нового Завета. Четвероевангелие.
6. Песнопения братии Валаамского монастыря

В Валаамском монастыре на праздничном богослужении одно и то же песнопение может исполняться разными напевами. Это придает красоту и особую торжественность службе.

Тропарь праздника. Киевский распев.

Тропарь праздника. Знаменный распев.

Источник статьи: http://valaam.ru/divineservice/20124/

Святому Богоявлению Господа Бога и Спаса нашего Иисуса Христа.

Тропа́рь пра́здника, гла́с 1:

Во Иорда́не креща́ющуся Тебе́, Го́споди, Тро́ическое яви́ся поклоне́ние: Роди́телев бо гла́с свиде́тельствоваше Тебе́, возлю́бленнаго Тя́ Сы́на имену́я, и Ду́х в ви́де голуби́не изве́ствоваше словесе́ утвержде́ние. Явле́йся Христе́ Бо́же и ми́р просвеще́й, сла́ва Тебе́.

Велича́ние:

Велича́ем Тя́, Живода́вче Христе́, на́с ра́ди ны́не пло́тию крести́вшагося от Иоа́нна в вода́х Иорда́нских.

Стихи́ра, гла́с 6:

Бо́г Сло́во яви́ся пло́тию ро́ду челове́ческому, стоя́ше крести́тися во Иорда́не, и глаго́лаше к Нему́ Предте́ча: ка́ко простру́ ру́ку и прикосну́ся верху́ Держа́щаго вся́ческая? Аще и от Мари́и еси́ Младе́нец, но ве́м Тя́, Бо́га Преве́чнаго, по земли́ хо́диши, пева́емый от серафи́м, и ра́б Влады́ку креща́ти не научи́хся. Непостижи́ме Го́споди, сла́ва Тебе́.

Кано́н, гла́с 2.

Пе́снь 1.

Ирмос: Ше́ствует морску́ю волня́щуюся бу́рю, су́шу а́бие Изра́иль я́вльшуюся. Че́рмный же по́нт триста́ты еги́петския покры́ ку́пно, водостла́нен гро́б, си́лою кре́пкою десни́цы Влады́чни.

Припев: Слава Тебе, Боже наш, слава Тебе

Утру я́вльшуся челове́ком светоно́сну ны́не из пусты́ни, к вода́м Иорда́нским, Царю́ преклони́л еси́ со́лнца Твою́ вы́ю, ли́ка мра́чна родонача́льника исхи́тити, скве́рны же вся́кия очи́стити тва́рь.

Безнача́льне, струя́м спогре́бшася Тебе́, Сло́ве, но́ваго прево́диши, истле́вшаго ле́стию, Сего́ несказа́нно от Отца́ прие́м гла́с держа́вен: Се́й возлю́бленный, ра́вен же Мне́ Отрок естество́м.

Пе́снь 3.

Ирмос: Ели́цы дре́вних изреши́хомся се́тей бра́шен льво́в, сотре́нных члено́вными, ра́дуимся и разшири́м уста́, сло́во плету́ще от слове́с сладкопе́ния, и́мже к на́м наслажда́ется дарова́ний.

Умерщвле́ние пе́рвее насади́вый тва́ри, зве́ря злоде́йственнаго вообра́жься в естество́, омрача́ется плотски́м прише́ствием: у́тру я́вльшуся, прирази́вся Влады́це сокруши́ти свою́ вражде́бную главу́.

Влече́т к себе́ Богозда́нное естество́, утро́бы мучи́теля, погребе́нное преде́лы; ражда́ется па́ки земноро́дных Обновле́ние, де́ло держа́вно соверша́я Влады́ка: прии́де бо, то́е очи́стити хотя́.

Ипакои́, гла́с 5:

Егда́ явле́нием Твои́м просвети́л еси́ вся́ческая, тогда́ сла́ное неве́рия мо́ре побеже́, и Иорда́н, до́ле теки́й, возврати́ся, к небеси́ возвыша́я на́с. Но высото́ю Боже́ственных за́поведей Твои́х соблюди́, Христе́ Бо́же, моли́твами Богоро́дицы и поми́луй нас.

Пе́снь 4.

Ирмос: Огне́м очи́щся та́йнаго зре́ния, поя́ проро́к челове́ков новоде́йство, возглаша́ет гла́с, Ду́хом пле́щущь, воплоще́ние явля́ющь Неизрече́нна Сло́ва, Имже си́льных держа́вы сотро́шася.

По́слан от Отца́, всесве́тлое Сло́во, но́щи отгна́ти зломра́чное стремле́ние, и искорени́ти гряде́ши челове́ков грехи́, сы́ны же привлещи́, Твои́м Креще́нием, Бла́же, све́тлый от стру́й Иорда́нских.

Са́мое прови́дев нарече́нное Сло́во, я́сно пропове́дник вопие́т тва́ри: Се́й пре́жде мене́, вторы́й пло́тию сообра́зен, просия́ Боже́ственною си́лою вражде́бный на́ш отъя́ти гре́х.

Па́жить у Себе́ животво́рну нося́, уловля́ет змие́в, гне́здам натека́я мно́гими сетьми́, низлага́я, Бог Сло́во, запина́ет же уязви́вшаго всеми́рный ро́д, сего́ потре́бль, избавля́ет тварь.

Пе́снь 5

Ирмос: Врага́ те́мнаго и оскверне́ннаго я́да очище́нием Ду́ха измове́ни, к но́вой приста́хом небла́зненной стези́, водя́щей в непристу́пную ра́дость, еди́нем присту́пну, и́мже Бо́г примири́ся.

Ви́дев Зижди́тель во мра́це прегреше́ний плени́цами неизбе́жными его́же вообрази́ пе́рсты, поставля́ет на обою́ ра́му, воздвиг горе́, ны́не во многотеку́щих вода́х омыва́я студа́ дре́вняго Ада́мова зла́го нра́ва.

Со благоче́стием притеце́м приле́жно ко исто́чником пречи́стым тече́ния спаси́тельнаго, Сло́во усмотря́юще от Нетле́нныя, почерпа́ла принося́ще жа́жди Боже́ственныя, ми́ра сла́достне исцеля́я неду́г.

Пе́снь 6.

Ирмос: Вожделе́ннаго я́вствова со всеблаже́нным гла́сом Оте́ц, Его́же из чре́ва отры́гну. — Ей, — глаго́лет, — Се́й соесте́ствен Сы́н, Сы́й светоза́рен, произни́че из челове́ча ро́да, Сло́во же мое́ жи́во, и Челове́к промышле́нием.

От глуби́ннаго льва́, тревече́рний стра́нне проро́к во вну́тренних валя́яся, а́бие произы́де, пакибытия́ спасе́ние от зми́я человекоуби́йцы все́м предъявля́я в после́дняя ле́та.

Отве́рсту не́бу всесве́тлых писа́ний, учени́к зри́т от Отца́ посыла́емый, пребыва́ющ же Ду́х на Пречи́стем Сло́ве, наше́д я́ко го́лубь неизрече́нным о́бразом, лю́дем же явля́ется, прише́дшим ко Влады́це.

Конда́к, гла́с 4:

Яви́лся еси́ дне́сь вселе́нней, и све́т Тво́й, Го́споди, зна́менася на на́с, в ра́зуме пою́щих Тя́: прише́л еси́ и яви́лся еси́, Све́т Непристу́пный.

Галиле́и язы́честей, Завуло́нстей стране́ и Неффали́мстей земли́, я́коже рече́ проро́к, Све́т вели́к возсия́, Христо́с. Омраче́нным светла́ яви́ся Заря́, из Вифлее́ма облиста́ющая, па́че же из Мари́и Госпо́дь, все́й вселе́нней возсиява́ет лучи́ Со́лнце пра́вды. Те́мже, и́же от Ада́ма нази́и, прииди́те вси, облече́мся в Него́, да согре́емся, покрыва́ет бо наги́я и просвеща́ет те́мныя. Прише́л еси́ и яви́лся еси́, Све́т Непристу́пный.

Пе́снь 7.

Ирмос: Опали́ струе́ю зми́евы главы́ пе́щный высо́кий пла́мень, ю́ноши нося́щ благочести́выя, Ути́шивый, неудободержи́мую мглу́ из греха́ всю́ же омыва́ет росо́ю Ду́ха.

Тебе́ живопису́ющий ассири́йский пла́мень ужа́сен поставля́еши, в ро́су преведе́н; те́мже вода́ ны́не, я́коже пла́мень, одева́яй, вре́дную зло́бу, Христе́, прикрове́нную опаля́ет, от поползнове́нныя стези́ призыва́ющи.

Разде́льшуся Иорда́ну дре́вле, по су́ху прехо́дят лю́дие Изра́ильстии, Тебе́, Держа́внейшаго, содержа́ща тва́рь некосни́тельне, ны́не в вода́х напису́ющии, к нетле́нней и поле́зней стези́.

Ве́мы, пе́рвее всепа́губный пото́п ми́лостивно Тя́ все́х во тлю́ привести́, о, тревели́кия сотворя́я и стра́нная́ Ны́не же пото́пльша, Христе́, гре́х за благосе́рдие и челове́ческое спасе́ние.

Пе́снь 8.

Ирмос: Свобо́дна у́бо тва́рь познава́ется и сы́нове Све́та, пре́жде омраче́ннии, еди́н стене́т тмы́ предста́тель. Ны́не да благослови́т усе́рдно Вино́внаго пре́жде окая́нное язы́ков всенасле́дие.

Трие́ богови́днии, во огни́ ороша́еми, озаря́ющеся треми́ всесве́тле святы́нями, я́ве показова́ху Превы́шнее Естество́ смеше́нием челове́ческим, огнепаля́щее росо́ю ми́лостивно вся́ку па́губную ле́сть.

Да убели́тся вся́кое земно́е естество́, от паде́ния ны́не на не́бо возводи́мо, Имже бо вся соблюда́ются, Сло́вом, теку́щими струя́ми омы́вшеся, прегреше́ний пре́жних убеже́, пресве́тло измове́но.

Песнь 9.

Ирмос: О, па́че ума́ Рождества́ Твоего́ чуде́с! Неве́сто Всечи́стая, Ма́ти Благослове́нная, Еюже получи́вше всесоверше́нное спасе́ние, досто́йно хва́лим я́ко Благоде́теля, да́р нося́ще пе́снь благодаре́ния.

Уве́дехом Моисе́ю купино́ю явле́нная, гряди́, стра́нными уста́вы соде́ланная: я́ко бо спасе́ся, Огнь нося́щи, Де́ва, Светоно́сна ро́ждши Благоде́теля, во Иорда́нских же струя́х явле́нна.

Помазу́еши, соверша́я челове́ческое существо́, Царю́ Безнача́льне, Ду́ха обще́нием, струя́ми чи́стыми отмы́в и тмы́ кре́пость же посра́мль возвы́шенную, ны́не в безпреста́ннем возда́ти житии́.

Свети́лен.

Яви́ся Спа́с, благода́ть и и́стина, во струя́х Иорда́нских и су́щия во тме́ и се́ни спя́щия просвети́л е́сть, и́бо прии́де и яви́ся Све́т Непристу́пный.

Стихи́ры, гла́с 1.

Све́т от Све́та, возсия́ ми́рови Христо́с, Спа́с на́ш, явле́йся Бо́г. Сему́, лю́дие, поклони́мся.

Ка́ко Тя́, Христе́, раби́, Влады́ку досто́йно почти́м? Яко в вода́х все́х на́с обнови́л eси́.

Ты, во Иорда́не кре́щся, Спа́се на́ш, во́ды освяти́л eси́, дла́нию раба́ рукополага́емый и стра́сти ми́ра исцеля́яй. Ве́лие та́инство явле́ния Твоего́, Человеколю́бче Го́споди, сла́ва Тебе́.

Истинный Све́т яви́ся и все́м просвеще́ние да́рует, креща́ется Христо́с с на́ми, Иже вся́кия вы́шши чистоты́, влага́ет свяще́ние воде́, и душа́м сие́ очище́ние быва́ет, земно́е явля́емое и вы́ше небе́с разумева́емое. Ба́нею — спасе́ние, водо́ю же — Ду́х, погруже́ния ра́ди, и́же к Бо́гу, на́ш восхо́д быва́ет. Чуде́сна дела́ Твоя́, Го́споди, сла́ва Тебе́.

Сла́ва, гла́с 6.

Вода́ми Иорда́нскими оде́ялся eси́, Спа́се, одея́йся Све́том, я́ко ри́зою, и приклони́л eси́ главу́ Предте́чи, Иже не́бо изме́ривый пя́дию. Да обрати́ши ми́р от ле́сти и спасе́ши, я́ко Человеколю́бец.

И ны́не, гла́с 2:

Дне́сь Христо́с на Иoрда́н прии́де крести́тися, дне́сь Иоа́нн каса́ется верху́ Влады́чню. Си́лы небе́сныя ужасо́шася, пресла́вное ви́дяще та́инство. Мо́ре ви́де и побеже́, Иoрда́н, ви́дев, возврати́ся. Мы́ же, просве́щшеся, вопие́м: сла́ва яви́вшемуся Бо́гу, и на земли́ ви́денному, и просвети́вшему ми́р.

Молитва

Господи Иисусе Христе, Сыне Божий Единородный, от Отца прежде всех век рожденный, Свете от Света, просвещаяй всяческая, в последняя же лета от Пресвятыя Девы Марии нетленно воплощенный и в мир сей на спасение наше пришедый! Ты бо не потерпел еси видети от диавола мучима рода человеча и сего ради в пресветлый день Богоявления Твоего пришел еси на Иордан ко грешником и мытарем креститися от Иоанна, безгрешен сый, да исполниши всякую правду и да возьмеши в водах Иорданских грехи всего мира, яко Агнец Божий, во еже понести я на Себе и искупити Крещением крестным, пречистою Кровию Твоею. Сего ради погрузившуся Тебе в водах, отверзошася Тебе небеса Адамом заключенная и Дух Святый сниде на Тя в виде голубине, просвещение и обожение носяй естеству нашему, и Пребожественный Отец Твой возвести Тебе небесным гласом благоволение Свое, зане сотворил еси волю Его и человек грехи восприял еси и Себе на заклание уже предуготовал еси, якоже Сам рекл еси: «Сего ради любит Мя Отец, яко Аз душу Мою полагаю, да паки прииму ю», и тако во всесветлый день сей, Ты, Господи, положил еси начало искупления нашего от грехопадения прародительскаго. Сего ради вся силы небесныя радуются и вся тварь веселится, чающе свобождение свое от работы истления, глаголюще: Прииде просвещение, благодать явися, избавление наста, мир просветися и людие радостию исполняются. Да веселится ныне небо и земля и мир весь да играет; реки да плещут; источницы и озера, бездны и моря да срадуются, яко Божественным Крещением освятися днесь естество их. Да радуются днесь и человеков собори, яко естество их взыде ныне паки к первому благородию и вси с радостию да поют: Богоявления время. Приидите мысленно на Иордан, видение велие в нем узрим: Христос ко Крещению грядет. Христос ко Иордану приходит. Христос наши в воде погребает грехи. Христос овча похищеннаго и заблуждшаго приходит искати и обрет е вводит в рай.

Сего Божественнаго таинства воспоминание празднующе, усердно молимся Тебе, Человеколюбче Господи: сподоби нам жаждущим по гласу Твоему приити к Тебе, Источнику присноживотныя воды, да почерпем воду благодати Твоея и оставления грехов наших и да отвергшеся нечестия и мирских похотей; целомудренно и девственно, и праведно и благочестно поживем в нынешнем веце, ждуще блаженнаго упования и явления славы Твоея, Великаго Бога и Спаса нашего, да не от дел наших спасеши нас, но по Твоей милости и по обновлению Святаго Духа Твоего банею пакибытия, Егоже обильно излиял еси, да оправдившеся благодатию Его, наследницы будем вечныя жизни во Царствии Твоем, идеже со всеми святыми сподоби нам прославити всесвятое Имя Твое со Безначальным Твоим Отцем и со Пресвятым и Благим и Животворящим Твоим Духом ныне и присно и во веки веков. Аминь.

Источник статьи: http://xn—-7sbahbba0chrecjllhdbcuymu3s.xn--p1ai/kanon/minea_yanvar/kan_19yanvar_kreshenie2.html